Rut Gunnarsdóttir hjúkrunarfræðingur
Rut mun fræða okkur um mæði og áhrif þess á lífsgæði lungnasjúklinga. Mæði er mjög flókið fyrirbæri og skýrist ekki eingöngu af lungnasjúkdómum eða skertu þoli. Einstaklingar upplifa eða skynja mæði á mismunandi hátt og fjölmargir ótengdir þættir geta haft áhrif. Það eru ýmsar leiðir til að draga úr mæði og við munum fara yfir það í sameiningu.
Rut Gunnarsdóttir hefur unnið við heimahjúkrun í fjöldamörg ár og vinnur í lungnateymi á Göngudeild lyflækninga A3 sem sérfræðingur í hjúkrun langveikra. Hún er formaður Deildar sérfræðinga í hjúkrun og Fagdeildar hjúkrunarfræðinga sem sinna einstaklingum með sykursýki og situr í stjórn Fagdeildar lungnahjúkrunarfræðinga. Hún er jafnframt stjórnarmaður í Lungnasamtökunum.
Fundurinn verður haldinn mánudaginn 7. apríl í Lindakirkju, Uppsölum 3 og hefst með spjalli og veitingum klukkan 16:00 að vanda.
Comments