Ferðalög

Lungnasjúklingar þurfa að skipuleggja ferðalög með góðum fyrirvara.

Góð ráð

Muna eftir vegabréfinu
Muna eftir Evrópska sjúkratryggingakortinu (sjá hér fyrir neðan)
Eru aðrar tryggingar í lagi?
Sparið orkuna með því að fá aðgang að hjólastól í flughöfnum (Meira hér)
Panta súrefni í lengri flug (aðeins í boði hjá Icelandair gegn greiðslu, félagar í Lungnasamtökunum geta sótt um styrk hjá samtökunum á móti þessum kostnaði)
Hafa ferðasíuna og hleðslutæki með
Athuga hvort í boði er að fá súrefnissíu á gististað (sjá hér fyrir neðan)
Ef gist er í mikilli hæð t.d. í Ölpunum er loftið þynnra og þörf fyrir meira súrefni

Nánari upplýsingar um einstök atrið
má finna neðar á síðunni

Ferðatryggingar

Hægt er að kaupa ferðatryggingar hjá tryggingarfélögum auk þess sem handhafar greiðslukorta hafa ýmsar tryggingar innifaldar í greiðslukortinu.
Þetta er að sjálfsögðu hið besta mál en það þarf að gera sér grein fyrir því að í skilmálum geta verið undanþágur sem átt geta við um aðila sem greinst hafa með sjúkdóma eða hlotið meðferð við þeim. Það er því vissara að fara vel yfir skilmálana og athuga hvort tryggingin skerðist af einhverjum ástæðum í tilfelli hvers og eins.

Sjúkratryggingar

Munið að athuga hvort Evrópska sjúkratryggingakortið er í gildi og sækja um endurnýjun ef þörf er á.

Munið að taka það með í ferðalagið

Frekari upplýsingar um Sjúkratyggingakortið

og almennt hér

Evrópska sjúkrtryggigakortið
gildir í
EES löndum, Bretlandi og Sviss.

Súrefni á áfangastað

Víða er hægt að fá súrefnissíu á áfangastað en nauðsynlegt er að undirbúa það vel ef allt á að ganga upp
Pantið með góðum fyrirvara með því að hafa samband við þjónustuaðila með eftirfarandi upplýsingar (senda mail)
- Staðfesting lungnasérfræðings um lungnasjúkdóminn og súrefnisþörf
- Afrit af Evrópska sjúkratryggingakortinu
- Afrit af aðalsíðunni í vegabréfinu
- Upplýsingar um dvalarstað og dvalartíma
- Persónuupplýsingar (Nafn, netfang, síma, og heimilisfang)
- Í flestum tilfellum þarf að greiða fyrir þjónustuna úr eigin vasa
- Sjúkrtryggingar endurgreiða útlagðan kostnað samkvæmt reikningum
Á Spáni má t.d. senda þessar upplýsingar á
holidayrequest.es@airliquide.com

eða travelspain@linde.com

Dæmi um póst

Frekari upplýsingar um aðra þjónustaðila og önnur lönd munu bætast við hér eftir því sem við fáum upplýsingar þar að lútandi